【保養】超推介！香港品牌卸妝膏🇭🇰毛孔乾淨晒🤩！
同大家分享我用咗2個月的卸妝膏，真係超級好用！差不多接近空瓶了，能空瓶的都是好東西呀！
-Nude story淨化排毒卸妝潔膚霜-
平時化咗一日妝之後啲毛孔塞住焗住咗一整日，洗完面會見到啲一支支粉刺浮起曬，要針清搞一大輪清黑頭粉刺。
最近用咗款幾好的卸妝膏，仲係香港品牌。第一次用呢個卸妝膏洗完面覺得塊面摸落去好滑溜，仲諗住係咪洗唔乾淨？做2次清潔啦，用卸妝水+落妝棉抹面清潔檢查吓有冇殘餘嘅粉底，抹完又冇粉底色喎！
再用導入導出機（我用Panasonic Ion Boost)導出完都係冇色，塊化妝棉繼續係白色嘅！
淨係防水睫毛液要用返眼唇專用卸妝液（好多大牌卸妝都係咁要仔細分開），粉底、胭脂、防曬、眉妝嗰啲都可以徹底卸除乾淨。
誇張啲咁講，Nude story 卸妝膏係我人生化咗十幾年妝，有十幾年落妝經驗，第一次卸妝之後塊面唔乾唔掹住掹住、徹底清潔化妝品、皮膚仲要係補水滋潤唔乾燥嘅！每次洗完皮膚都很舒適。
用咗一個多月，鼻上啲粉刺角栓少咗。冇諗過香港品牌做到咁好嘅產品，真心支持呢款香港產品！
$208一罐，暫時用咗2個月接近空瓶，都幾抵用！
留言
張貼留言