突然的搬遷通知
迫住執屋,原來儲左好多空瓶😂
Sephora waterproof eye make up remover
長期回購嘅眼唇卸妝水+油
我啲超難卸嘅防水防油眼妝
一定要用呢款先卸得乾淨
右邊果支溫和款嘅冇卸得咁乾淨
同埋原版其實都唔會刺激眼周皮膚
用完果支都係用返原版藍色嘅算
Suisse Programme Moisture Lift Mask
長期回購嘅面膜
喺出面做高能量機做機前2-3日,做機後7日都敷佢深層保濕
買到莎莎SA都知我超鍾意呢款🤣
Origins mega-mushroom relief resilience soothing treatment lotion
一轉季皮膚過敏發紅痕癢就要用菇水舒緩
拍左菇水先用其他護膚品皮膚就好番哂
呢排成日有優惠好抵買好抵用😆
Pixi Glow Tonic
Pixi vitamin C tonic
Pixi Rose Tonic
皇牌glow tonic 去角質好正
有5%果酸 (so far 我冇敏感)
夜晚卸妝後用,抹到有黃黃哋嘅角質漬心情會好high😂
最緊要係第2朝塊面令到發光咁✨✨
Vit C & Rose 爽膚水我就按當刻嘅膚質交替用嘅
通常Vit C 夜晚用,Rose就朝早舒緩皮膚
有時就用完Vit C 再用Rose 隨心隨意用😂
發現pixi 呢個品牌嘅野好抵用唔洗慳住慳住😂
ELEMIS Pro-collagen overnight matrix
ELEMIS Pro-collagen eye revive mask
ELEMIS Pro-collagen marine cream
ELEMIS Pro-collagen super serum elixir
上年開始狂用補充collagen嘅護膚品😂
呢個pro-collagen 系列係超級正
4支都好吸收❤️ 唔焗唔笠唔厚身
Marine cream 好薄身,我會朝早同化妝前用,個妝會好貼
Overnight matrix 直接當晚霜用😁
Eye mask 當眼霜用吸得好快,唔會生粒粒
預防初老、抗老呢個系列係好好👍
Yves Rocher rich creme comforting anti-wrinkle mask
Yves Rocher sensitive camomille the cleansing cream
秋冬皮膚乾又鞋時,最鍾意沖涼後用呢隻面膜
吹乾頭髮抹走個面膜,皮膚就變返又潤又滑🥰
洋甘菊洗面cream 好似洗面奶差唔多用法
洗完塊面唔乾仲好soft,百幾蚊好抵用
#乾皮回購品
Lancome advanced Génifique youth activating concentrate
呢支唔使多介紹啦
夠爽身❤️ 增強逐後護膚品嘅吸收力
同埋皮膚彈性係好左、飽滿左,後生左嘅
Make Up For Ever Watertone #Y218
❤️2021最鍾意嘅粉底❤️
大家都知戴口罩搽粉好焗😷唔好彩仲愈生愈多粒粒
呢支薄身到毛孔可以繼續自在地呼吸
同埋佢係好自然好似自己皮膚咁透薄
冇搽左粉底果種粉感
搽呢支老公唔覺我有化妝,其他粉底佢係一眼就睇得出我有化妝有粉感
最近好似出左新粉底液,好期待❤️
另外,化妝蛋個人唔太建議用
用耐左洗得唔乾淨佢一藏粉底就會藏菌🙈
都係早啲割肉貴啲買支專用掃,慳粉底啲,個妝又貼啲,清洗都容易啲
Synergie uberzinc moisturising sunblock 21% zinc oxide
物理防曬對皮膚好啲
唔泛白、唔焗,係化妝前用都唔焗,好薄👍
唔知係咪佢透氣關係,搽完塊面唔出油
唯一唔好係呢個品牌嘅嘢係貴啲😛
Ampleur luxury De-Age Cleansing Oil Ultimate Cleansing Oil
Shu 用過好多支唔同色都塞毛孔出粒粒🤦🏻♀️
Ampleur 用哂成支都冇出粒粒,粉底胭脂果啲彩妝都卸到,眼唇就用左眼唇專用嫁啦
Filorga micellar solution
用完Filorga 覺得紅水卸得唔夠乾淨🤣
同埋Filorga 卸妝後嘅皮膚舒適啲😌
有優惠時同紅水差唔多價錢
唔洗諗梗係用Filorga
Orlane B21 extraordinaire renewal oil
只能說「全個B21 系列都好正❤️」
做到深層保濕💧皮膚飽滿、水亮
呢支護理油喺toner後、精華前用
我當佢係冬天的肌底液咁用
每次用3滴就夠印開全塊面
佢會滲透肌膚,唔會有層油喺皮膚表面
皮膚即時好柔軟☺️好似baby skin咁
同埋後逐的護膚品更加吸收
秋冬係must have❤️中左毒咁好上癮
btw唔係個個女仔都識用油
識用油嘅皮膚係soft 啲滑啲冇乾紋
之後繼續💪🏻
IG: http://instagram.com/katerina_lin
FB: www.facebook.com/lin.katerina
Blog Platforms:
BlogSpot ✶ U Lifestyle ✶ she.com ✶ beautylife.hk
Mail: lin.katerina1@gmail.com
0 意見