Katerina的花俏部落格　•Beauty •Fashion •Lifestyle

怕甜怕漏怕肥膩的ME 好耐冇試過下午茶嘅甜品係會食得哂喇～ 澳門新中央酒店呢個下午茶可以一件不漏咁食哂冇浪費 用左 Elle & Vire 既Finesse輕忌廉做嘅下午茶食完冇膩感💯 真係 1000000x 個讚呀 !!! 👍🏻🩷 澳門新中央酒店 x Elle & Vire Professionnel 限定聯名下午茶｜輕盈法藝・澳門饗味 澳門新中央酒店攜手法國頂級乳製品品牌 Elle & Vire Professionnel，並由 澳門安得利（Angliss Macau） 提供專業支持，於2026年2月1日起，獨家推出以「輕盈法藝・澳門饗味」為主題的聯名下午茶。結合法式優雅與澳門風味，帶來一場層次豐富的創意味覺體驗。 ✨ 甜點篇章｜由品牌大使 Chef Mandy Siu 匠心創作 選用 Elle & Vire Professionnel 全新推出的 「Finesse輕忌廉」（乳脂含量僅25%，較傳統忌廉減少近29%脂肪），打造一系列輕盈細膩、風味獨特的甜品： 🩷杏仁花生白乳酪蛋糕 🩷青蘋果柚子慕絲蛋糕 🩷黑芝麻抹茶蛋糕 🩷地瓜香梨法式椰子奶凍 🩷烤雲呢拿山核桃法式吉士 👨🍳 Chef Mandy Siu @mandys_pastrychef 身為 Elle & Vire Professionnel 香港及澳門區品牌大使，曾任職於 L’Atelier de Robuchon、麗思卡爾頓酒店、半島酒店及香港瑞吉酒店 L'Envol 甜點主廚，並於2021年榮獲「100 Top Tables」頒發的 「最佳甜點主廚」獎。 🍽️ 鹹點篇章｜碧麗宮主廚 Chef Audi 創意演繹 將澳門傳統風味以現代手法重新詮釋，呈現精緻鹹點： 🤎鴨肝慕斯木糠杯 🤎經典黑安格斯生牛肉他他.脆油條 🤎葡韻燒肉豬仔脆餅 🤎椰子年糕．烏魚子.白蘿蔔塔 🤎菠菜三文魚籽海膽鹹派 甜品當中最鍾意食💚黑芝麻抹茶蛋糕💚同 🤍杏仁花生白乳酪蛋糕🤍，黑芝麻抹茶蛋糕很香滑，芝麻和流沙花生餡，甜中帶咸，很平衡的配搭。杏仁花生白乳酪蛋糕充分體驗出Finesse輕忌廉的輕盈口感、奶香細緻和打發的穩定性。 食家級的ME都讚不絕口的有誠意下午茶，絕對值得一食，品...

最近有Restaurant week活動，周圍去食唔同餐廳。由於係即日即時book Restaurant week餐廳，好多餐廳已經滿咗，難得呢度有位即去！ 嚟到宮崎肉本舖，原來呢度係新開嘅餐廳。點咗Restaurant week 的午市套餐，餐牌上的追加都全部要了。 -第一道菜：鐵板牛舌心（連飯&漬物）- 牛舌心外面煎得香脆，內裏很有肉汁，咬起來嚼勁十足，爽口彈牙，好耐沒有吃過這麼令人滿意的牛舌了！另外有三款醬汁（自家製豉油、芥辣、酸汁），可以薰一點醬汁吃。 -第一道菜：燒A5 宮崎牛鵝肝蓋飯（+HK$68）- A5 宮崎牛沒有預計中般的油膩，肉片偏瘦。大大片的鵝肝豐香嫩滑，兩款混合配白飯剛好。 -第二道菜：和牛餃子（每人2件）- 餃子餡料滿滿的和牛肉餡料，十分滿足！愛肉肉人士推薦！ -優惠追加：牛舌米紙卷（2件）（+HK$28）- 呢個估唔到有少少辣，有啲越南fusion風，清清淡淡中帶啲辣，都幾好食嘅 -優惠追加：粟米天婦羅（4件）（+HK$38）- 粟米天婦羅已調味，帶少少鹹味，鬆脆不油膩。 -第三道菜：是日甜品- 最後甜品係柚子雪葩，正正常常啦。 食完宮崎肉本舖的牛舌，真係好有驚喜好impressive ！以後想食牛舌時，都會記得來這裏吃了！ Restaurant week 活動暫時食咗6間餐廳，呢間同Vista 係我唯一唯二會再去光顧嘅餐廳。 宮崎肉本舖 (天后) 地址 : 香港天后清風街 15 號地舖

  剛過去的週末造訪了可觀賞維港景色的Vista。 嚟到餐廳真係「嘩」一聲，張張餐枱位置都可以睇到港島區的維港風景，慢慢嘆過週末午餐，正！ Vista「週末風車午餐」午餐包括：Margherita Pizza 一片、迷你蘑菇湯(份量都唔迷你）、自選五款開胃菜、主菜及一個甜品。 風車午餐的精粹是自選5款開胃菜，選擇了：Burrata 布拉塔芝士沙律、烤八爪魚配鷹嘴豆蓉、迷你鵝肝撻、生帶子薄切、藍鰭吞拿魚配牛油果他他。款款都好食，最鍾意Burrata 布拉塔芝士沙律，份量大，味道都好正宗，有種處於意大利嘅感覺。藍鰭吞拿魚配牛油果他他有啲日本+西式現代fusion，好香滑，如果加多一兩片檸檬在旁，可以自行調配檸檬汁份量，味道會更清新。 主菜揀咗：慢煮和牛面頰配松露薯仔蓉及青瓜 、西西里海鱸魚柳。 慢煮和牛面頰帶點煙靭感，不會很油膩，而且份量也很足夠。松露迷對住松露薯仔蓉咁香松露味，忍唔住不斷食。青瓜🥒原來整咗上面嗰兩塊好似薯片咁脆嘅脆脆片。 灑上薄鹽香煎的西西里海鱸魚柳，帶點中式煎魚感覺，配了燴蕃茄雜菜，輕盈不油膩。 最後的甜品：經典意大利芝士蛋糕  Classic Tirmaisu，份量都幾大份下。外型都入面的餡餅一點都不馬虎。 $488 嘅餐牌食物款式和份量都好豐富。如果加埋海鮮拼盤嘅話，相信要由12點食到3點，唔停咁食足3個鐘😂 價錢同中上環soho 區的西餐廳相約，而呢度仲有海景睇！平時嘅工作壓力、生活壓迫，難得可以慢慢享用美食，欣賞維港風景，放空下，真係好減壓、好寫意。 Vista呢間海景餐廳，觀賞維港煙花慶祝活動等風景一絕。臨走前問咗職員，如要預訂觀賞維港煙花慶祝節日的晚餐要幾耐前訂位，職員告知最好於煙花活動前一個月訂位。 Vista ( 尖沙咀北京道 1 號 29 樓 )

去咗上環一間隱世西班牙私房菜：Sabor Private Kitchen ，最近搬咗樓層仲搬咗入防空洞穴🤫 喺門口拎起超過越百年的電話☎️📞 穿梭過去時空轉移正式開始，感受四次元空間裡的頂流西班牙味蕾記憶。 🔸Chicken liver pâté 🔸 雞肝醬配砵酒洋蔥醬，雞肝醬入口絲滑Creamy，混合甜香的洋蔥醬，抹在西班牙香脆多士上，同時享受香脆、幼滑兩個質感。 🔸Grilles cuttlefish with allioli espuma🔸 據大廚說墨魚片控制烹調時間於30秒完成，厚切墨魚十分爽口。看似香草醬的泡沫醬汁，是番茜、蒜蓉、蛋黃醬用氣槍打成泡沫，口感如忌廉般香滑，蒜香味10分濃烈，喜歡選香味的朋友10分推薦！配墨魚片的味道聯想起中式的蒜香爆墨魚片，今次以西式的方法呈現，美感馬上提升！🆙🆙🆙 🔸Roasted apricot flower chicken 🔸 必食招牌菜的火焰威士忌燒杏花雞，服務員在面前以火焰威士灑在雞皮上，令整隻雞充滿酒香。睇住火焰杏花雞是觀感享受的重頭戲，絕對是打卡時刻，見枱枱食客上呢度菜式時都係不斷打卡、打卡。 之後服務員會拎回廚房去皮拆骨。食雞時去雞皮去雞骨，另外雞皮會製作雞皮飯，一雞兩味。 用松果木煙燻過，雞肉帶煙熏香氣，雞胸肉嫩滑，雞腿肉的都不太油 ，唔易飽滯，吃著吃著好快就清盤。 🔸Crispy chicken skin rice🔸 脆皮雞皮飯，同樣以松果木煙燻過，雞皮特別處理過，以蒸餾過程隔走雞油，沒有肥膩感。雞皮猶如薯片般香脆可口，雞肉全部已拆骨，啖啖肉，雞飯又油香而沒有肥膩感，食到底見到碗底沒有多餘的雞油積聚在碗底，對於吃油飯的愛飯人士很著重這種有油香而沒有多餘油剩餘的極致境界。 🔸Catalonia cream 🔸 加泰羅尼亞焦糖奶凍，看似cream brulee 的甜品，主要的差異就是 Crema Catalana 是由牛奶製成，而且焦糖在底部而不是在表面。如cream般乳滑，還是第一次食這款甜品。 這裡的食物冇味精，食完唔口乾。食物的擺盤好有心思，岩哂女仔嚟打卡。環境昏暗，適合情侶拍拖及閨蜜聚會，來一次特別的防空洞飲食體驗。 Sabor Spanish Touch Private Kitchen 📍香港上環永樂街1-3號世瑛大廈4...