Katerina的花俏部落格　•Beauty •Fashion •Lifestyle

  有一種凍，叫做 #呀媽覺得你凍 。呢件事係唔會發生喺我個仔身上，因為，呀媽我覺得好熱，我同呀仔一齊feel到好熱呀😂 俗話話「月子坐得好，一世無煩惱」。坐月坐得好，補得岩，身體係好過以前，我印証咗係真嫁！懷孕前都唔算係容易覺得凍、手腳冰冷，依家坐好月，開梗22度冷氣，著住短凍衫，手心、腳板底係發緊熱🔥😂 陪月姨姨話母乳媽媽食得好，啲營養會由母乳「過戶」俾BB嫁。產後10日開始，我就連續2星期每日飲陪月姨姨整嘅燉雞汁，之後都會每星期飲2-3次。BB食咗我啲營養奶後，「怕熱、唔怕凍」！喺3月中平均氣溫21.3度時，BB已經著梗露大髀裝outfit，著多啲啲都出曬汗兼忟忟憎😂 BB晚晚淨係著love to dream 1.0 tog 睡袋 (入面冇著任何衫) 開住21度冷氣訓覺😴 出街時，有種凍，叫 #路人呀姨覺得我個仔凍 ，喺咁叫我幫BB著條褲呀、著對襪呀。BB好熱熱喇，啲婆婆姨姨們仲叫人哋著衫嘅，BB 熱到滾，但BB唔識講😫 每次BB同馬麻合體時，係行走中的發燙火爐呀😂 相信係我補得好的證據🫶🏻  其實，喺冇屋企人、冇陪月幫手嘅情況下，產後媽媽可以飲廿八方補身。喺陪月放假時我會自己煲 鈴響茶寮 @botanistsgarden 素28方，依家都仲飲緊補緊身🤭 生完惡露排出後就可以飲了，服用前會有一個中醫師視診診症，睇完之後會按照個人情況知道最適合服用的次序，分階段調補。 佢係全素配方，加入咗植物界的肉類：菌類 🍄 作為額外營養補充以及肉類的替代，當然亦可以自行配搭肉類。產前已經購置咗依家好流行嘅養生壺🤭 煲下代茶、廿八方，沖一叫沖啲藥材、加水、襟藥膳mode，2個鐘後就有得飲，照顧newborn 幾忙都好，一分鐘內就整好自己個廿八方補身，勁方便、快捷😆 我就鐘意全素配方，清清地飲得好舒服，當然加舊瘦肉落去煲都可以啦，落肉嘅話記得要先飛水呀❗️我會食埋湯入面啲核桃、腰果果類，補腎！補腎！補腎！唔補腎真係會一孕傻三年嫁😟 另外，鈴響茶寮仲有一走蟲草花花膠響螺湯包，洗淨材料，放入燜燒壺，注入500ml 熱滾水，焗3-4小時就有個湯飲。補肺養顏、理氣益胃。襯BB瞓着覺嘅時候，快速整到個湯幫自己滋潤吓🤭 我都覺得自己好有效率、好叻呀😆 再加埋平時沖下養血美肌茶，補氣養血，美容養顏。 懷孕一次真係長知識...

產後，一定要紮肚修復！ 有啲人唔明，以為紮肚只係產後媽媽為咗變返靚，呢個係好大誤解🙅🏻‍♀️ 紮肚唔係純粹為咗靚，正確嚟講：係為咗身體健康著想💪🏻 🤰🏻懷孕期間鬆弛素的影響下，成個人逐漸打橫拉闊，全身由頭到腳都撐開，腰椎、盤骨、恥骨、股骨都是痛！痛！痛！我是痛得比較嚴重的孕媽，下半身的疼痛不適由盆骨、股骨一路伸延到大腿外側，落到小腿位都一直有拉扯感，是1星期7天24小時每一秒都在痛，痛到生不如死！😭 我兒的誕生在我身體侵佔了大量空間，畢竟我兒是國際M碼，豆丁媽媽是XXS呀🫣  產前的 me 一直是著國際碼XXS，孕期要著S，足足大咗2個碼，好恐怖呀🥲 產後坐月都仲係全身痛，卸貨後係輕咗10磅8磅，瞓覺時終於可以向左轉、向右轉，但，由於成個骨架撐鬆哂，依然全身痛到瞓唔好🥺 產後睇到自己嘅身型真係喊咗好多次😭 老實講，接受唔到自己咁，醜🥲 咁醜都post 係冇人迫我嘅，純粹做個記錄，日後個衰仔令我激氣時，拎出嚟俾佢睇，馬麻為佢做咗幾大犧牲🙌🏻 產後行路成隻企鵝咁左搖右擺 🐧隊友叫我唔好咁行🐥我都唔想嫁🥺 產後骨盆鬆弛，我都控制唔到自己做咗隻企鵝，所以要做 #盆骨修復 #紮肚 療程修復返，還我無痛身體，還我正常人的身體，還我原來的自己 🩷   另外，有啲人產後水腫比產前更腫，就是盤骨問題的影響，很多人產後都有脊骨歪同盆骨前傾問題，所以要紮肚修復骨盆呀！ 產後愈早紮肚，修復的效果愈快愈好。坊間有說是產後四十幾日先紮肚，係因為產後身體唔岩位，客人有機會身體過敏，紮肚師要幫自己減低風險呀🙊 我是由中醫師睇住身體狀況，產後第4星期就開始紮肚。 我搵咗承治堂戴貝莎 @SALLYBSTALEC 中醫師為我進行紮肚療程。第一次紮肚前，戴醫師先為我把脈、擺返岩身體啲位、針灸，之後先紮肚。有時紮肚前會配合按摩油推肚風，推肚時會排氣💨 另外，戴醫師會結合印尼及馬來西亞紮肚方法，幫助身體修復得更好。我就痛症嚴重🥲所以，幾乎，每次，都係針灸+紮肚。 每次的針灸、物理治療、按肚、紮肚，全部都係由戴醫師一腳踢完成✅  本身大廈、醫館有中央冷氣，每次紮肚都預留咗冇冷氣嘅房，仲有暖風機整暖咗間房俾我，見戴醫師次次幫我紮肚都紮到全頭汗，都唔係幾好意思😅 但初初產後果排身體唔吹得冷氣，只好難為細心的戴醫師😂 一般來講，坊間嘅紮肚pla...

  5個半月冇剪頭髮、一年冇染過頭髮🤰🏻。原本疊埋心水同髮型師Aries講想唔染2年，冇時間整返靚啲頭髮，淨係大修個髮型就算。 好彩Aries拎住佢嘅堅持，幫我整返靚😭😭😭 #唔洗做人哋媽媽 #做番年輕的我 希望BB讀小學時，同學仔會講：「你帶家姐嚟親子活動嘅？」 BB會回應:「佢唔係我家姐，係我媽媽」 #自我FF #自我陶醉中  圖2: 日系遮面劉海，岩哂我呢啲大臉女子🤭圖3: 剪了一大堆頭毛，個頭輕哂，吹頭快乾咗✌🏼 Aries booking whatsa pp: 93392293 #大埔剪髮 #染髮 #剪髮  大埔 #剪頭髮 #hksalon #hkhairsalon #hkhairstylist #hkhaircut #taipohairsalon #haircuthk #salonhk #hairsalonhk #taipo  IG: http://instagram.com/katerina_lin FB: www.facebook.com/lin.katerina Blog Platforms: BlogSpot ✶ U Lifestyle ✶ she.com ✶ beautylife.hk Mail: lin.katerina1@gmail.com

  🩵 Cetaphil 舒特膚💚照顧我一家大小的需要，呵護我哋的敏感皮膚🧡 👶🏻BB用 #嬰兒護理系列 沖涼護膚 👦🏻Daddy 最鐘意用泡泡潔面即出泡，洗完皮膚唔會乾 👩🏻仲有mammy我會用的面身潤膚護理 Cetaphil 舒特膚以「We Do Skin. You Do You.」為主題，以皮膚科學為基礎，匯集多位皮膚科醫生為全球舉辦各種活動，教育並喚醒大眾關注敏感皮膚的問題，活出更精彩的人生！ @Cetaphilhk #舒特膚 #Cetaphil #SKINAWARENESSMONTH2023 #敏感肌膚呵護月2023 #新手媽媽 #香港媽媽 #媽媽日常 #育兒 #育兒日記 # 芝麻仔 # 西瓜大少 IG: http://instagram.com/katerina_lin FB: www.facebook.com/lin.katerina Blog Platforms: BlogSpot ✶ U Lifestyle ✶ she.com ✶ beautylife.hk Mail: lin.katerina1@gmail.com

  有輕微濕疹底，兼皮膚嫩到極易𠝹花流血的媽媽表示，唔知BB會唔會似我是塊敏感的嫩豆腐，出世後唔知會唔會有敏感皮膚，為咗安心啲，BB一返屋企就用Cetaphil #嬰兒護理系列 。 醫院教用嬰兒沐浴露及洗髮水一支就可以用頭洗到腳，之後發現芝麻仔個頭有好濃烈嘅男性氣味，係一定、一定要用洗髮水呀😆😂 好彩Cetaphil 有出嬰兒沐浴露，幫芝麻仔洗走佢陣 #哥兒味 (媽媽都嫌佢味道太濃， #接受不了 🌝🫢😂） 媽媽我就最鐘意幫芝麻仔用嬰兒潤膚霜護膚搽香香🌸🌼變返個白滑香噴噴的小小美男子🌞之前臉仔出粒粒、腳仔有啲甩皮，搽咗2-3日已經改善咗好多。有個貪靚的媽媽，寶寶的皮膚有咗安全的保障🌟 @cetaphilhk  #舒特膚 #Cetaphil #嬰兒沐浴露 #新手媽媽 #香港媽媽 #媽媽日常 #育兒 #育兒日記  # 芝麻仔 # 西瓜大少 IG: http://instagram.com/katerina_lin FB: www.facebook.com/lin.katerina Blog Platforms: BlogSpot ✶ U Lifestyle ✶ she.com ✶ beautylife.hk Mail: lin.katerina1@gmail.com

  BB用得最快嘅消耗品如果第一係尿片，第二都離不開清潔棉花。 陪月姨姨都推薦的優質純棉品牌SoftTouch ，喺BB未出世前已經大手入貨，是一箱一箱咁入🤭（好彩屋企有儲物室） #媽媽愛shopping #瘋狂入手SoftTouch產品 由每日用唔停、洗唔完嘅全棉紗巾、汗巾、浴巾，到 #燃燒得快過青春 的嬰兒專用清潔綿、純棉擦巾、綿花球、綿花棒、純綿濕巾。 原來仲有推出包被、和尚袍、內衣、夾衣、睡袋、背心、兩用連身夾衣等，可惜知道時已經買齊晒呢啲items ，下次朋友們有BB可以買嚟送禮🎁🧡 圖1: 芝麻仔用的是SoftTouch 雙面夾棉包被 圖2: 洗到懷疑人生的紗巾 圖3: 打爆咗ikea pax儲物櫃 (熟識的都知隻櫃有幾深)，其餘的都放儲物室 圖4: 濕巾可以留BB大啲啲時，出街清潔用。依家主力消耗大包、佔空間的清潔綿😂 #SoftTouch @softtouch.baby  #新手媽媽 #香港媽媽 #媽媽日常 #育兒 #育兒日記 # 芝麻仔 # 西瓜大少 IG: http://instagram.com/katerina_lin FB: www.facebook.com/lin.katerina Blog Platforms: BlogSpot ✶ U Lifestyle ✶ she.com ✶ beautylife.hk Mail: lin.katerina1@gmail.com

  捱過了最痛苦的24小時 #謝謝來到我們的世界❤️ #新手媽媽  #成就解鎖 ⁕ ⁕ ⁕ ⁕ ⁕ ⁕ ⁕ ⁕ ⁕ ⁕ ⁕ ⁕ ⁕ ⁕ ⁕ ⁕ ⁕ ⁕ ⁕ ⁕ ⁕  詳文慎入！！ 《由真。宮縮痛到產情經過及完成》 由凌晨起10分鐘一次，到7分鐘一次，到入院前3-4分鐘一次。 0000 每12-14分鐘的宮縮，睡著了又痛醒，再睡又痛醒。 0330 痛得不能再睡，整整一晚沒睡過。 0730 打俾醫院話宮縮好密要入院喇。 0830 忍住宮縮痛，沖涼洗頭。 1000 食碗老公煮的愛心粟米豬肉粥，食下中式點心，再睇埋最後一集的Wednesday，個心唔使囉囉攣先入院生B😂 1330 到達醫院時，姑娘問「仲咩咁耐先嚟呀？等咗你成個朝早喇！」😂 天寒地凍未天光前得12度左右，忍住宮縮痛，想天光出太陽氣溫回暖先沖涼洗頭。 1400 姑娘急急幫我安排麻醉師嚟到打無痛，先知原來我的忍痛能力咁強大😂 痛到咁都只係2度，打完瞓咗好多個鐘補眠，仲不斷問「可唔可以食啲嘢丫？晚飯丫？」(雖然進食被禁止了)  #Epidural是個好東西 #宮縮極痛時竟然可以又瞓又想食😂 1630 醫生嚟篤穿羊水 ，之後都是瞓瞓瞓😴 1900 開了5度。 2200 沒什進展的只開了7度，加催產，兼要不斷轉身瞓。 2315 助產姑娘開哂燈唔俾瞓覺覺了，儲咗咁耐能量🔋終於要正式開始喇！ 2320 姑娘教順產的姿勢 (腳板踩實踏板、雙手90度角拉起、肚子腸腸用力向下推、下巴掂心口、配合呼吸、宮縮節奏) (Er? 點解事前冇聽過冇學過，去到緊急關頭先知要有咁多嘢做嘅？🤔) 👉🏻指令姑娘要繼續數吸氣呼氣的節奏 👉🏻又禁止了老公出聲說加油 😛2個人打氣我會分心呀 #天生的指揮家 🥸😂 2340 醫生埋位，感覺自己由一個hea上PT堂的同學仔，變咗一個被教練鞭策😈要100%認真的學生😧 2350 痛到懷疑人生，都未見到一絲曙光。本來的「呀呀痛」變成一下持續而長久仲識轉頻的尖叫聲，痛到自己都想放棄自己了。我竟然閃過一絲想法：現在去開刀，好嗎？ 🥲見到老鼠曱甴都冇咁高音尖叫 👶🏻後腦出，仲要打斜咗，我又痛、佢出嚟又有難度，醫生竟然冇放棄我🥹 繼續的鞭策下，諗梗自己做咗咁多年gym都冇放棄過自己，呢個moment 要將gym果時嘅努力毅力爆發出嚟🔥 事後...